ZiyoNETда – сайт - сателлитларни яратиш ва улардан фойдаланиш қоидалари

Мазкур Қоидалар ZiyoNET ахборот ресурс порталида сайт-сателлитларни яратиш ва улардан фойдаланиш шартлари тавсифидир. ZiyoNET сайт-сателлитининг эгасига айланган фойдаланувчи қуйида кўрсатилган Қоидаларнинг барча шартларини қабул қилиб, уларга амал қилиш мажбуриятини олади:

  1. ZiyoNET порталининг сайт-сателлитлари интернет тармоғидаги сайтлар билан ишлаш ва уларни бошқариш билан танишишнинг дастлабки босқичи ҳисобланади. Сайт-сателлитларнинг фаолияти интернет тармоғидаги ахборот-таълимий ресурслар билан ишлашга ўргатиш ҳамда ўқитувчилар, ўқувчилар ва барча фойдаланувчиларнинг ушбу йўналишдаги илм даражасини оширишга қаратилган. Сайт-сателлитлар, созланган ва ишлашга тайёрланган Wordpress (CMS) контентни бошқариш тизимида яратилади. Барча сайт-сателлитлар 3-даражали «zn.uz» доменида жойлашган.
  2. ZiyoNET порталида сайт олиш ҳуқуқини фақатгина ID.UZ авторизация тизимида рўйхатдан ўтган фойдаланувчигина қўлга киритиши мумкин.
  3. Сайт-сателлит очишга талабнома берилгандан сўнг, 3 кун ичида фойдаланувчининг электрон почта манзилига тасдиқ ёки рад жавоби ҳақидаги билдиришнома юборилади.
  4. Сайт мазмуни – контенти (мақола матнлари, расмлар, видео ва –сайт-сателлитда чиқарилган бошқа ресурслар) – учун жавобгарлик сайт эгасининг зиммасидадир.
  5. Барча сайт-сателлитларнинг янгиликлар киритилиши ҳолати гоҳ-гоҳ текшириб турилади. Ҳар бир сайт-сателлитга охирги 3 ой мобайнида камида 5 та мақола жойлаштирилган бўлиши шарт.
  6. Сайт-сателлитлар ўзга сайтларни реклама қилувчи ва оммалаштирувчи ахборот майдончаси ҳисобланмайди.
  7. ZiyoNET порталидаги сайт-сателлитлар Ўзбекистон Республикаси қонунчилигига ва умумий аҳлоқ нормаларига зид бўлган, қолаверса, тажовузкорлик, босқинчилик, уруш, ирқчилик тарғиб этилган материаллардан ҳоли бўлиши шарт.
  8. Ушбу қоидаларга риоя қилинмаган ҳолда, фойдаланувчининг рўйхатдан ўтиш жараёнида кўрсатиб ўтилган почта манзилига келгуси икки ҳафта мобайнида янгилик киритиш кераклиги кўрсатилган огоҳлантириш хати юборилади. Огоҳлантириш юборилгандан сўнг икки ҳафта ўтгач фойдаланувчи сайтига янги маълумот киритмаса, сайт маъмурияти сайтни ёпиб қўйиш, кейинчалик эса сайтни ўчириш ҳуқуқига эга.
  9. ZiyoNET порталининг маъмурияти сайт-сателлитларнинг ишлаш жараёнида техник носозликлар юз берганида дастурий таъминотга оид техник ёрдам кўрсатадилар.
  10. ZiyoNET порталининг маъмурияти сайт ишлаб чиқариш, уни тўлдириш ва ривожлантириш ишларини амалга оширмайди.

Для создания сайта-сателлита Вам нужно авторизоваться

Хато тўғрисида маълум қилиш Транслит